فاملي بارك القاهرة حديقة ذات مناظر طبيعية فيها حديقة حيوانات ومدينة ملاهي وصالة سينما ومتحف ومطاعم، بالإضافة إلى نافورة راقصة
رقم الهاتف: 01159661880
بصراحة رائع وجميل وكل لعبة بسعر ، الالعاب غالية شويتين ، يعني لو معاك ولدين ثلاثة يبقي انت كده لابس في 500 او 600 جنيه ، لان مثلا النهر السحري ب 60 جنيه ، بيت الرعب ب 55 جنيه ، باقي الالعاب من 25 الي 65 جنيه ، حارفع لكم صور بسعر الالعاب كلها ، خلي بالكم وفرها Waffarha. الابليكيش عامل عرض كويس علي الدخول وبعض الالعاب ، وهما نفسهم عندهم كذا باكدج لامين فيها العاب مع بعض ، حارفعلكم برضه صورة الباكدجات ، لو حتقعد اليوم كله وده جميل هات معاك اكل من بره لان الاكل غالي شوية ، فيه تذكرة دخول لشنطة الاكل ب 20 جنيه ، بس مش لازم تشتريها من الاول لان الراجل بتاع الامن ظريف ومتعاون ومش بيتكلم علي شنطة الاكل ، الكورة الكفر ممنوعة لكن الكور البلاستيك الخفيفة مسموح دخولها ، عرض الصوت والضوء والنافورة الراقصة شغال يوم الجمعة بس وساعات يوم السبت لكن باقي الاسبوع مش شغال ، فيه العاب اطفال كتيرة ومستواها ممتاز مجانية ، لو حتركب مركب مدورة في النهر السحري هات معاك حاجة مقاومة للمياة لان ساعات ناس بتطلع غرقانة
حديقة الأسرة من أفضل الحدائق الجميله للتنزه والقضاء بوقت جميل جدًا للأسرة، لأنها نظيفه وكبيره ومنظمه، وأجمل ما فيها وجود مساعدين منتشرين في الحديقة لمساعدتك خصوصًا لو زيارتك لأول مرة، لأن تشعر بأي ملل لأن الحديقة كبيرة وكلها متنوعات من أول القطار لأماكن ألعاب الأطفال للنهر السحري لحديقة الحيوان والمساحات الكبيره الخضراء
ولكن قبل ما تذهب لحديقة الأسرة لابد من معرفة بعض التفاصيل و النصائح ومنها:
تذكرة جراج السياره 30 جنيه.
سعر التذكرة 80 جنية للفرد والطفل عمر 4 سنوات تذكرة كاملة.
تذكرة القطار 30 جنية للفرد والطفل عمر 2 سنتين تذكرة كاملة.
الأسعار غالية مضاعفة في كل خدمات الحديقة والألعاب وعلى سبيل المثال الشاي 10 جنية، الشيبسي سعره على الكيس 5 جنيه وبيعه 10 جنيه، زجاجة المياة سعرها 10 جنيه، الكاميرا لها رسوم دخول ، لو معاك أكل من البيت له رسوم دخول ، يعني تاخد بالك كويس جدًا علشان لا تتعرض للاحراج لكن هاتقضي يوم أكثر من رائع ، وأتمنى لكم رحلة سعيدة بإذن الله
مكان مميز وسط التجمع الخامس وقريب من الرحاب وفندق توليب ..حدائق خضراء واسعه ويوجد العديد من العاب الملاهي للأطفال وبعض معروضات لاسلحة الجيش المصري في حرب اكتوبر ١٩٧٣ وحديقة حيوانات مصغرة جدا ..المكان عائلي بامتياز ومناسب اكثر للأطفال سن خمس سنوات فأكثر والطبع كان هناك تذكرة دخول للكبار وتذكرة دخول للسيارة وهناك بعض المطاعم والكافيهات واكشاك المشروبات
مكان جميل للتنزه والجلوس مع العائله وتوجد حديقة حيوان بها أسود وقرود ومتحف به تماثيل وأماكن لشراء مستلزمات العنايه بالبشره وغيرها + قطار كهربائى لعمل جوله لكامل الحديقه + عربيات بالكهرباء (تذكره ب ٢٥ جنيه) وملاهى للأطفال فى كل مكان مجانيه .
التذكره ب ٦٠ جنيه شامله حديقة الحيوان ومتحف بانوراما والحدث Event وهو مكان لشراء مستلزمات بشره وكريمات وآيس كريم .
عدا يوم الجمعه فالتذكره ب ٨٥ جنيه .
يسمح بدخول الأكل والمشروبات ب ٢٠ جنيه للفرد .
يوجد بارك للسيارات ب ٣٠ جنيه رسم الدخول .
المواعيد : كل الأيام من ٨ صباحا إلى ١١ مساءا .
