متحف الطفل بالقاهرة مكان جميل ورائع تقضي فيه الأسر أجمل اللحظات ، توجد به مساحات شاسعة خضراء وأشجار من كل نوع وألعاب للأطفال ، أنصح كل من زار القاهرة بالذهاب إليه
رقم الهاتف: 0227714915
مكان مناسب لو معاك اطفال من اي عمر. هتقضي يوم كامل بتكلفة معقولة و الكل هيكون مبسوط.
تشمل منطقة العاب مجانية مشمولة في تذكرة الدخول و بها مجموعة العاب لا بأس بها للكبار و الصغار.
اهم ما يميزها المجسمات المنتشرة بكثرة و في كل الأماكن بطول الحديقة، مجسمات لحيوانات مختلفة و كثيرة جدا بالحجم الطبيعي مصممة بدقة و الألوان مرسومة بعناية مع معلومات عن كل حيوان، مجسمات عن الحياه الريفية من ابراج حمام و فلاحين و بيوت قديمة بمشتمالاتها من افران بلدي و اماكن تربية الحيوانات و الفلاحين. تصلح جدا للتصوير بمناظر مختلفة.
كما تشمل حيوانات حقيقية مثل الطواويس و السلاحف.
المساحات الخضرة منتشرة و تجعل الخضرة سمة مميزة للمكان.
المكان يشمل متحفين للأطفال بتكلفة أضافية هما متحف الزراعة القديمة و متحف الأهرام. جولة المتحف تكون مع مشرف تبدأ بعرض فيديو تفصيلي ثم جولة داخل المتحف مع محسمات رائعة و شرح مفصل من المشرف و جولة حرة للتصوير و تجربة بعض الأدوات و المجسمات.
بوجه عام مكان رائع للأطفال.
مكان جميل جدا ، مناسب للأطفال و ممتع للكبار أيضا
وسعر تذكرته مناسب. و للعاملين فيه ودودين جدا
حديقة بها ألعاب و مجسمات جميلة
و متحف العلوم فوق الوصف و ممتع للغاية و ألعاب جميلة تفاعلية للأطفال
مكان رائع و ثقافي جدا للاطفال
بعد ما بتقطع التذاكر بتدخل يستقبلك مرشد للاطفال يبتدي يشرحلهم المجموعة الشمسة علي المجسم الكبير الموجود علي مدخل المتحف
بعدها بيبتدي يشرحلهم مسار نهر النيل من اوغندا و هضبة اثيوبيا لحد دلتا مصر بما في ذلك الحيوانات المنتشرة في غابات افريقيا زي الافيال و الزراف و الاسود
بعد كده يشرحلهم التنوع الحضري في مصر و حياة اهل الريف و البدو و كل ده مدعم بالتكاثيل و المجسمات
بعد كده بتختار يا اما تخش المتحف الزراعي او المتحف الفرعوني للطفل
في المتحف الفرعوني بيبتدوا يفرجوك غلي فيلم للاطفال لزاهي حواس و بعد كده تاريخ مبسط للفراعنة و الاهرامات و التحنيط و اللغة الهيلوغروفية الموضوع بياخدله حوالي ساعتين
المكان جميل تعليمياً وترفيهياً. العاملين علي اعلي مستوي من التعاون والاحترام. الجولات فى المتحف جميلة والمرشدين اللي بيعملوا الجولات عندهم خبرة فالتعامل مع الاطفال وبيوصلوا المعلومات كويس جدا. خارج المتحف توجد حديقة جميلة وبعض الحيوانات وتماثيل بعض الحيوانات الأخري واماكن لالعاب الاطفال كما توجد كافتريا اسعارها معقولة ومطعم لكن مجربتش المطعم. اجمالا المكان جميل جدا وعائلي بامتياز