مركز ووش الترفيهي بالرياض افضل مركز ترفيهي للاطفال من عمر ٣ سنوات الى ١٥ سنه .. كله نشاطات حركيه وممتعه .. وفيه سبا للبنات جميل جداً وسعر الدخول احسه مناسب للفعاليات الموجوده ..
رقم الهاتف: 966920033130+
المكان يجنن وولدي استانس مره الحمدلله
بس نصيحه خوذوا السوارة الي ب١٥٠ لان اغلب الالعاب بثلاث نقاط وتنتهي البطاقة بسرعه والبطاقة اصلا ب١٤٠ به. ٢٠ نقطه
بس عموما تجربة ممتازة وراح ٣ ساعات من وقتنا ويالله طلعت الولد وهو ماوده.
وفيه كوفي ومطعم صغير ودورات المياه نظيفة فيه فوق وفيه تحت وفيه مصلى .
والدور الفوقي مخصص للحفلات وكان فيه حفلة اولاد لما جينا والترتيبات تجنن ماشاءالله برضو فوق فيه قسم بس مدفوع للسلايم وصبغ الشعر واشياء ثانية بس اسعارها معقولة.
المكان مره حلو فيه مطعم وكافيه وكشك يبيع العاب و رسم للوجه وفيه مصلى للنساء والرجال ومافيه موسيقى مره المكان حلو ، وفيه نقطه بتكلم عنها الي يشتغلون هناك من موظفات وموظفين كلهم بلا استثناء عسل مره تعاملهم ممتاز ويهلبون تعاملهم مع الاطفال حتى الي على الكاونتر يشرح لنا النقاط والاساور وكذا كلها بصدر رحب ومع انه جيته بيوم وطني بس كان تنظيمهم حلو وكان فيه قهوه يوزعونها و على الساعه ٨:٣٠ جابو عرضه وكانت حلوه ، راح اعيد التجربه اكثر من مره ، وحتى فيه فوق ملعب كوره و سبا ، الي بالصوره المطعم ومحل وكشك الالعاب والكافيه
مكان ممتع وجميل للأطفال ،،
الموظفين بالمكان قمة التعامل مع الأطفال ، ما نسمع إلا عبارات تشجيعيه للأطفال . تعامل راقي من الأستقبال بالأبتسامة و نقاشهم مع الأطفال يما يناسبهم . اشكر إدارة المركز على الأبداع وحسن اختيارهم للموظفين الشباب .
فعلاً شبابنا وبناتنا خير من يستطيع إدارة المكان بكل إقتدار …
وكل عمل جميل لا يمكن ان يكتمل ، عتبي على محل ( البيتزاء ) اسعاره مبالغ فيها جداً ( عصير المراعي الطازج بسعر 5 ريال ) ماء حجم 200 ملي بريال واحد . مافن ب 7 ريال ،، البيتزاء ليست بذلك الطعم والاسعار مبالغ فيها ،،، اسعاره جداً مرتفعه ومبالغه ..
نتطلع من الإدارة مراجعة اسعار الكوفى شوب ومحل البيتزاء بمراعاة الزبائن باسعار مناسبه ، فليس كل الناس مقتدره مالياً لكن الجميع يريد أن يفرح ابنائه بمراكز ترفيهيه ،،،
موقعه شمال الرياض بحي النفل تقريباً
الألعاب تحسب بالنقاط مثلاً ٣ نقاط أو ٤ نقاط وهكذا ويوجد أسوارة تختار مايناسبك
ممتع جداً للأطفال ألعاب حركية
المكان آمان على طفلك / نظيف
الموظفين والموظفات من شباب وفتيات الوطن
الله يسعدهم أخلاق و متعاونين ويشجعون الأطفال آتمنى لهم كل التوفيق
توجد منطقة للأطفال الصغار اقل من ٤ سنوات
يوجد مصلى للرجال ومصلى أيضاً للنساء
وقت زيارتي لا يوجد موسيقى
هل تكرر الزيارة : نعم بكل تأكيد
من افضل واجمل الأماكن الترفيهية والتعليمية اللي ممكن يقضوا عيالكم وقتهم فيها .. مناسبة لكل الأعمار والحلو عندهم العاب متنوعة لكل الهوايات منها الزبلاين والتسلق والرسم والحرف اليدوية والألعاب الشبكية وتكون الأسعار بحسب النقاط الأفضل تاخذو يوم مفتوح اوفر 160 يلعبوا الى ان يشبعوا وكمان في ركن ممتع يسوو فيه البيتزا بالخطوات تجربة لهوات الطبخ .. كمان في كافيه يقدم انواع القهوة والحلا ..
المكان جميل ورايق ومرتب ومتوفر في كوفي ومطعم ودورات مياه نظيفة وهذا شيء مهم جدا الألعاب فيه متنوعة وحركية ونسبة الأمان فيها عالية الموظفين هنا متعاونين جدا خاصة (روان – غدير) في قسم بيبي ووش تعاملهم مع الأطفال قمة في اللطف والرقي يعطيهم العافية اللعب إما ب إسوارة ليوم أو ساعات محددة أو تذاكر ب نقاط وكل لعبة تختلف عن الثانية من نقطتين إلى ست نقاط والأسعار معقولة نوعا ما أنصح ب زيارته وأوصي عليه
