سوف اقدم لكم كافة المعلومات التي تحتاجونها حول افضل ملاهي جدة من أجل القيام بتجربة ترفيهية رائعة مع الاطفال والكبار
تقرير متابع:
متنفس للصغار جميل جدا يفرغوا فيه طاقتهم متنوع كله العاب حركية راائع جدا الخدمة كويسة لكن تحتاج زيادة من ناحية النظافة ومتابعة الاطفال يعني اول كان عند كل لعبة مراقبة تتدخل لو استدعى الامر الان اقل الخدمة من اول، كذلك من ناحية النظافة بعض الاطفال غير واعين وغير مهتمين .ياليت يركزوا بقوة على هذي النقطتين. وياليت بين فترة والثانية يسووا عرووض لان مو كل شخص عنده اربعة او ٣ اطفال يقدر يدخل اطفاله اذا كان الدخول ب ٩٩ ريال مكلفة عليه..
للمزيد عن ملاهي بيلي بيز اضغط هنا
تقرير متابع:
ملاهي تحتوي في الطابق الأرض على مجموعة العاب كهربائية بالإضافة إلى لعبة تسلق الجبال مناسبة للفئات العمرية كما يحتوي الطابق الأول على صالة للشباب بلياردو ورماية .تعامل الموظفين جدا متميز وعندهم عروض جميل ويعتبر خيار موفق للعوائل
للمزيد عن ملاهي العاب الكوكب اضغط هنا
تقرير متابع:
اطفالي استمتعو فيه تشتري بطاقه اقل شي ١٦٠ وفيها زياده نقاط تشتري شراب ب٨ ريال لازم قبل الدخول والعاب ترامبولين نطيطات وحركية حلو لو كانو مجموعة اطفال اصدقاء الاطفال الصغار لازم مرافق ولها بوابه بموظفات مهتمين يسجلو اسماء الاطفال ورقم الجوال وجنبها العاب الكترونيه وكهربائيه محدوده قطار وكنغر يدور وفي زي حضانه للاطفال انشطه معاهم موظفه وركن ثاني مكان لعب بالرمل كلها تستخدمي نفس البطاقة والحلو داخل المول وفي صالة بولينق سعرها لوحده وكافيهات ومطاعم
للمزيد عن ملاهي فنكي لاند اضغط هنا
تقرير متابع:
المكان رائع رائع رائع الزيارة كانت ويكند يوم الجمعه ورحته بدري مره الساعه ٣ العصر علشان يمدي بنتي تلعب اغلب المهن ، يوم الجمعه يسووا شوو وشخصيات كرتونيه على الساعه ١٠ او ١١ مره حلو ، نصيحه روحوا بدري المكان كبير والالعاب كثير ، سبق زرته قبل كذا كم مره بس كانت اغلب المهن مغلقه الان الدور الارضي كله مفتوح ، الدور الثاني مازال مغلق ، المكان فيه تقريبا كل شي اكل للاطفال سناكس قهوه عربي ( كابتشينو ماحصلت ) لو اطفالكم كبار ٧ سنوات واكبر يسمحوا لكم تخرجوا وتخلوهم لو حابين المكان امان بعد الله ، بالنسبه للتذاكر انصحكم تحملوا تطبيق qidz وتشتروها منه حيكون فرق ٥٠ ريال تقريبا سعر التذاكر من الالعاب ١٩٥ ليا انا وبنتي ٧ سنوات من الموقع ١٤٩
للمزيد عن ملاهي كيدزانيا اضغط هنا
تقرير متابع:
مدينة ألعاب للأطفال تقع على الكورنيش قريبة وأمام الواجهة البحرية، عند المدخل توجد مواقف مجانية قليلة، وتوجد مواقف بمقابل ١٠ ريالات مفتوحة التوقيت بجانب المدخل، اول ماتدخل تجد الاستقبال على يمينك وكشك التذاكر هناك عروض يفضل استخدامها للعوائل الكبيرة للتوفير.. الألعاب أسعارها متفاوتة حسب الكهربائية أو الجسمانية كالتسلق والنطيطة بس أسعارها شوي اغلى تقريباً ٥٠ ريال للطفل مفتوحة التوقيت.. يوجد ركن دونات ماجك وركن فان تايم بيزا بالاضافة الى باسكن روبنز
للمزيد عن ملاهي فن تايم اضغط هنا
تقرير متابع:
مكان العاب للاطفال مغلق جدا جميل وممتع للصغار في العاب منوعة وفي مطعم يقدم عصيرات ومشروبات وبيتزا وبطاطس , الاكل لذيذ والمكان آمن للصغار وفي جلسات للاكل ,اكثر شي عجبني انو ممكن الوالدين يجلسوا والطفل يلعب لوحده بكل أمان ,لان المكان مغلق وفي حارس عالباب ,زرته مع طفلتي عدة مرات , واعتبره من الاماكن المريحة والهادئة .
للمزيد عن ملاهي تشيكي تشيز جدة اضغط هنا
