مسجد الامام الحسين بالقاهرة يقع في القاهرة القديمة في الحي الذي سمى باسم الإمام (حي الحسين) وبجوار المسجد أيضا يوجد خان الخليلي الشهير والجامع الأزهر
مكان به عبق الماضي والاصاله تشوف مسجد الحسين وجامع الازهر الي بني من الف سنه
وخان الخليلي وشارع المعز يعتبرون قلب القاهره القديمه مكان مزدحم باهل البلد والسياح من كل بلد به بازارات ومكاتب قديمه
وتحف تذكاريه وكل مايخص الهدايا الازقه الضيقه والمحافظه على الطراز القديم معطيه المكان رونق خاص
لو بقالك كتير مروحتش هتلاحظ كم التغييرات والتحسينات اللي طرأت على المكان، بداية من دخولك المكان من بره هتلاقي براااح جميل ولأول مرة هتقدر تشوف حمام وتستمتع بوجوده في سلام بعيدا عن الناس والزحمة.. المدخل بقى فاضي جدا ومريح يجهزك انك تدخل.. بقى في بوابات كتير للمسجد ولو هتزور هتدخل من بوابة مخصوصة للسيدات وبوابة للرجال ممنوع الصلاة داخل المقام.. اللي راح قبل كده هيعرف ويقدر الفرق كويس المكان بقى أفضل مفيش زحمة مزعجة ولا روايح كريهة بسبب ان الناس كانوا بيقعدوا.. وقت الصلوات الزيارة بتتقفل، وفي بوابات مخصصة تدخل منها عشان تصلي.. عشان تتوضأ في مكان مخصص بره المكان نضيف جدا عكس زمان وريحته كويسه، ولأول مرة مبقاش متأذية وانا بتجهز للصلاة هناك.. هتدخل المسجد نفسه هتلاحظ تغييرات رائعة بداية من الأمن على البوابات ومكان مخصص للأحذية ومكان فوق للسيدات الأمهات اللي بصحبة أبنائها، وهتبص تحت سجاد نضيف ريحته كويسه وقادر تصلي عليه وتقعد وانت مش قلقان ولا متضايق، في كراسي هناك للي مش قادر يقف..
ضريح مقدس بمعنى الكلمة، ومسجد مبارك بفضل الله، تمكنت من الدخول من بعد الزحمة الى ضريح الحسين من بعد ساعة ونصف من انتهاء صلاة يوم الجمعة.
من العجيب الغريب ان الساحات الخارجية لا يوجد فيها مظلات و في الصيف، وبالرغم من وجود تكييف داخل المسجد الا ان زحمة صلاة الجمعة تجعل المكان حار فعلا..
منطقة الحسين وخان الخليلي وشارع المعز ، الجمالية مصر القديمة منطقة تاريخية ممتعة جداً ورائعة للتسوق بالنسبة للسائح العربي والاجنبي لا بد ان يزور هذه القطعة التحفة التاريخية.